Sport.Ta4a.Us المكتبة الرياضية > كرة الطائرة > طريقة الدورانات في الكرة الطائرة


طريقة الدورانات في الكرة الطائرة


21 يوليو 2014. الكاتب : Tamer El-Dawoody

 طريقة الدورانات في الكرة الطائرة 

قبل بداية كل شوط  مركز كل لاعب يتم تسليمه في ورقة الدوران للحكم الثاني وقد وضعت لكم فرضية لمراكز اللاعبين في المنتخب المصري للكرة الطائرة .. عبدالله عبدالسلام صانع ألعاب / أحمد صلاح ضارب مركز 2 / عبداللطيف عثمان ومحمد كتات ضاربي وسط الشبكه /

صالح فتحي ومحمد بدوي ضاربي مركزي 4-5


 


 

الدوران بيتغير كله نقطه بحيث يتم تدوير اللاعبين في إتجاه عقارب الساعه فلاعب مركز 1 يتحرك في 6 ومركز 6 يتحرك في 5

لحد مركز 2 يتحرك في 1 ... وهكذا مره الفريق تكسب فيها نقطه وترسل "يعني بداية أي دوران مع الفوز بنقطه"

وفي بعض القواعد الأساسيه لازم تتطبق لحظة الإرسال سواء لفريقك أو للفريق الخصم بعدها ممكن أي لاعب يتحرك في أي مكان بالملعب

1 - ثلاثي الخط الأمامي لازم يكونوا متقدمين في التمركز عن ثلاثي الخط الخلفي ولو بجزء من أي من القدمين والتقدم هنا بيكون بوضعية القدم على الأرض وليس حركة باقي الجسم

2 - لاعبي كل صف لازم يكون واقفين في ترتيب مظبوط بمعنى أن اللاعب في الجهه اليمنى لازم قدمه تكون أقرب لخط الملعب الأيمن من لاعب الوسط ولاعب الجهه اليسرى تكون قدمه أقرب للخط الأيسر من لاعب الوسط ودا لكلا الصفين الأمامي والخلفي ولكن لكل على حدا

3 -لاعب الليبرو يمكن تبديله مكان أي لاعب من لاعبي الخط الخلفي فقط ويأخذ مكانه في الدوران

 


 

دا شرح للـ 6 إحتمالات لأي دوران وهناخد الدوران اللي فوق دا على أنه اللي تم تسليمه ومركز اللاعبين هتكون كالتالي ...



وقت الإرسال في الدوران دا كل لاعب هيقف في مركز الطبيعي عادي وممكن وقت إرسال الإرسال صلاح يتحرك مكان بدوي لكن دا طبعاً

هيكون صعب أوي أن الإثنين تحركوا من ورا وقدام عثمان

في الإستقبال بدوي هيرجع يستقبل في 1 وعلشان كدا لازم عبدالله يقف وراه في أخر الملعب لحد ما يتم ضرب الإرسال وبعدها بيتحرك بسرعه

لوسط الملعب للقيام بدوره في صناعة الألعاب وكتات بيخرج وينزل مكانه الليبرو علشان يستقبل .. عثمان وصلاح بيروحوا لأقصى الشمال وقت الإرسال علشان الشبكه تكون مكشوفه أكتر للي بيستقبل ويشوف الكره وبعدها عثمان بيتحرك علشان يضرب من 3 وصلاح بيفضل يضرب من 4 وبدوي يتحرك يضرب من 2 ويبقى اللاعب الخلفي صالح

طبعاً في حل تاني ان عثمان وصلاح يتحركوا يمين بس يكونوا على شمال عبدالله بجزء صغير من القدم لو عايز تخلي صلاح يضرب من 2 بس دا بيديك وضعية هجوم ضعيف لأن بيكون بدوي وصلاح في نفس المكان وهما الإثنين لاعبي خط أمامي وصالح هيتحرك يضرب من 5 خلفي مش هيقدر يضرب أمامي فالحل الأول هو اللي بتم تطبيقه


دا ترتيب الدوران التاني بعد الفوز بنقطه بيتحرك بدوي من 2-1 وعبدالله من 1-6 وهكذا لكل لاعب


 


هنا وقت الإرسال بيخرج تاني كتات وينزل مكانه ليبرو علشان الدفاع الخلفي يبقى قوي وعثمان لانه لاعب وسط الشبكه بيقف في وسط الشبكه ولان صلاح لازم جزء من قدمه تبقى شمال عثمان فبيقف وراه وللشمال بقليل وأول لما يتم لعب الإرسال بيتحرك علشان يبقى بلوك من 2 وصالح مركز كدا مظبوط تمام

وقت الإستقبال بدوي بيستقبل من 1 بدون مشاكل ووبيرجع صالح يستقبل في 5 ويبقى الليبرو بيستقبل في 6 ولازم الليبرو يكون واقف ورا صالح بقليل وبالتالي عبدالله بيرجع يقف في أخر الملعب لانه خط خلفي ولازم يكون ورا صالح وبعد الإستقبال بيتحرك صالح يضرب من 4 لأنه لاعب خط أمامي ويبقى اللاعب الخلفي بدوي


الدوران الثالث كل لاعب بيتحرك مركز في إتجاه عقارب الساعه


 


وقت الإرسال لعثمان بيكون بدوي في الخط الخلفي ويدخل معاهم عثمان في 1 وصلاح في مكانه 2 وبيقف كتات في وسط الشبكه وعلى يمينه وللخلف قليلاً صالح وبعد ما الكره تخرج من المرسل بيتحرك صالح في 4 للبلوك

وقت الإستقبال بينزل الليبرو مكان عثمان يستقبل في 1 وبدوي في 6 ويرجع صالح يستقبل في 5 لكن لازم تكون قدمه متقدمه عن بدوي اللاعب الخلفي له وبيتحرك عبدالله وكتات أقصى الشمال بردك لفتح الشبكه وكمان المره دي لأن كتات لازم يكون على يسار صلاح وعبدالله بيقف ورا كتات لأنه اللاعب الخلفي له بعد الإستقبال صالح بيتحرك يبقى ضارب 4 أمامي وبردك بدوي هو الضارب الخلفي


الدوران رقم 4


 


الإرسال عند أحمد صلاح ولاعبي الخط الأمامي كل لاعب في مكانه مظبوط بدون تحركات ويخرج عثمان وينزل ليبرو علشان الدفاع يكون أقوى

وقت الإستقبال بيرجع صالح يستقبل في 1 ويبقى الليبرو وبدوي في مركزهم في 6-5 وصلاح بيتحرك أخر الملعب علشان يكون ورا صالح لاعبه الأمامي وبيتحرك بعد الإرسال وكتات وعبدالله بيتحركوا للشمال لكشف الشبكه


الدوران رقم 5


 


الإرسال عن صالح وكتات في وسط الشبكه وعبدالله بيتحرك على شماله وللخلف قليلاً وبعد خروج الكره بيتحرك علشان يبقى بلوك في 2 وبيخرج عثمان وينزل ليبرو علشان الدفاع الخلفي

وقت الإستقبال صالح في مكانه في 1 والليبرو بيتحرك لـ 6 وبدوي ينزل في 5 وقدمه أقرب لخط الشبكه من الليبرو لأنه لاعبه الخلفي كتات وعبدالله ممكن يقفوا في أي مكان على يمين بدوي ولكنهم بيتحركوا يمين لكشف الشبكه وبعد الإستقبال بيتحرك بدوي يضرب من 4 وصالح هو اللاعب الخلفي


الدوران رقم 6

--

الإرسال عند كتات .. عبدالله على الشبكه في 2 وعثمان في وسط الشبكه وبدوي يقف على يمينه والدوران دا في كذا حل ممكن مع خروج الكره يتحرك بدوي يبقى بلوك في 4 ولكن الدفاع الخلفي هيكون كتات وصلاح وصالح ضعيف أوي فممكن الحل التاني صالح يقف زي ما في الصوره ومع خروج الكره يتحرك يبقى هو البلوك في 4 ويتحرك بدوي ينزل يدافع في 6 مثلاً ويتحرك صالح في 5 أو كتات يرسل من 5 وينزل هو فيها ويدافع بدوي في 1 لكن في دي محتاجه حركيه سريعه لرجوع بدوي وتقدم صلاح

وقت الإستقبال بيخرج كتات وينزل الليبرو يستقبل في 1 ووبينزل بدوي يستقبل في 5 وصالح يستقبل في 6 ويبقى وصلاح خلف بدوي وشمال صالح  وعبدالله بيتحرك يمين علشان فتح الشبكه وعثمان شمال علشان لازم يكون شمال بدوي وبعد الإستقبال بيتحرك صلاح يضرب خلفي من 2 ويتحرك بدوي يضرب من 4



 



العودة إلى الصفحة السابقة - المكتبة الرياضية -  www.sport.ta4a.us